A ambientalista Yasmina García alerta da má gestom da Xunta através das Consellerías do Mar e de Medio Ambiente e pom o foco na falta de pessoal técnico nestas conselherias e falta de rigor científico num pais que deve gerir 1500 km de costa. Insiste que a prevençom da continaminaçom marinha passa por “conscientizar as geraçons mais novas”.
Que som os ‘pellets’?
Os pellets som um granulado plástico de tamanho pequeno, em geral inferior aos 5 milímetros, polo que seriam considerados microplásticos, som usados como base para a fabricaçom de produtos de plástico e a sua composiçom varia entre diferentes polímeros aos que som adicionados aditivos para melhorar as suas características: dureza, absorçom da luz solar etc.
Que perigo representam para os nossos ecossistemas?
O aumento do plástico nos últimos anos é insustentável, os microplásticos chegam as águas e provocam danos na fauna marinha, seja por toxicidade ou por ingestom (problemas mecânicos no sistema digestivo). Além disso, os plásticos tehem a propriedade de absorçom de outros contaminantes orgânicos persistentes como podem ser os metais pesados, que aderem ao plástico e daí passam para a cadeia trófica.
Aproximadamente 25% das substâncias dos plásticos som contaminantes. Além disto, os pellets podem ser confundidos com comida já que os ovos de peixe com similar forma som ingeridos por muitos animais.
Se a Galiza tivesse transferidas todas as competências no relativo ao mar ‑como se vem a reclamar desde há anos- poderia ter sido gerida melhor esta crise?
Ter mais competências no teu território melhora a sua gestom e, neste caso, a gesstom ambiental. No caso da Galiza, a incompetência da Xunta é tam grande que nom teria melhorado nada a situaçom. A única diferença que fijo foi disfarçar a problemática com acusaçons ao governo espanhol, que também nom o faz muito melhor.
As praias som competência da Xunta, há um serviço de guarda-costeira da Galiza que opera os 365 dias do ano, que o único que fijo foi passear polos areais e encontrar umha saca no mar desde um helicóptero. Os despejos existem, polo que há que incidir numha regulaçom deste transporte marítimo. Em tanto nom se da esta regulaçom, há que atuar: o dever da Xunta era ter estabelecido um plano para a sua contençom, retirada e eliminaçom, que hoje ainda nom existe.
“Os microplásticos chegam às águas e provocam danos na fauna marinha”
A Conselheria do mar di que os pellets nom representam perigo para o consumo humano. É certo?
As consequências para o consumo humano de microplásticos estám ainda a ser estudadas em diferentes projetos, mas está bastante clarificado que ingerir bisfenol A presente em determinados plásticos gera problemas endócrinos, aumento da pressom arterial, afeta o sistema imunitário, e estam a estudar-se os limites desta toxicidade… também a dos protetores UV como o tinuvin que podem afetar o sistema endócrino.
Em todo o caso, este perigo já existía antes deste despejo. O que se passou estes dias é que isto se visibilizou, mas nom há diferencia no consumo de peixe de há 2 meses com o de agora porque os pellets representam umha percentagem pequena de todo o microplástico que ingerimos.
Nestes dias assistimos a declaraçons de diferentes representantes da ‘Xunta’ contráditorias. Que há de verdade nas declaraçons dos representantes políticos? Porque mentírom?
Esta é a raiz do problema: a Consellería de Medio Ambiente nom tem pessoal técnico suficiente, nom se contratam biólogos, nem técnicos no meio natural, nem ambientólogos. Para termos umha ideia da dimensom do problema: estes dias apareceu fauna morta nos nossos areais: ninguém foi recolhê-la para analisar a que podiam dever-se essas mortes.
A Xunta nem os concelhos desenvolvem programas de educaçom ambiental quando em todos os paises acreditam na educaçom desde as escolas para modificar condutas.
Que importância tem levar a educaçom ambiental as aulas?
Toda. Neste tema dos plásticos por exemplo ‚que tem umha dimensom enorme a reduçom em origem é fundamental e para isto além das leis que o regulem há que fazer participe a sociedade para modificar hábitos de consumo. Modificar estes nom é difícil, por exemplo utilizar umha garrafa de água reutilizável… a gente nom o faz porque nom existe umha consciência do problema. A maioria dos pellets utiliza-se para fabricar precisamente garrafas de plástico.
